മുൻ ഇന്ത്യൻ ക്രിക്കറ്റ് ഇതിഹാസം സച്ചിൻ ടെണ്ടുൽക്കറെ പോലെ കളിക്കാനാണ് തന്റെ ശ്രമമെന്ന് ഇന്ത്യൻ ഓപ്പണർ പ്രിത്വി ഷാ. അടുത്ത് കഴിഞ്ഞ ന്യൂസിലാൻഡ് പരമ്പരയിൽ രോഹിത് ശർമ്മയുടെ അഭാവത്തിൽ മായങ്ക് അഗർവാളിനൊപ്പം പ്രിത്വി ഷായാണ് ഇന്ത്യക്ക് വേണ്ടി ഓപ്പൺ ചെയ്തത്.
ക്രിക്കറ്റിൽ തന്റെ ആരാധനാപാത്രമായ സച്ചിൻ എപ്പോഴും തന്റെ സ്വാഭാവിക ഗെയിം കളിക്കണമെന്ന് ആവശ്യപ്പെടുകയും കളിക്കുമ്പോൾ ശാന്തനായിരിക്കണമെന്ന് ഉപദേശിച്ചെന്നും പ്രിത്വി ഷാ പറഞ്ഞു. ക്രിക്കറ്റിന്റെ ദൈവം ഇന്ത്യൻ ഇതിഹാസം സച്ചിൻ ടെണ്ടുൽക്കർ ആണെന്നും പ്രിത്വി ഷാ പറഞ്ഞു.
2017ൽ തന്റെ 17മത്തെ വയസ്സിൽ ദുലീപ് ട്രോഫിയിൽ അരങ്ങേറ്റത്തിൽ സെഞ്ചുറി നേടുന്ന ആദ്യ താരമായി പ്രിത്വി ഷാ മാറിയിരുന്നു. നേരത്തെ സച്ചിൻ ടെണ്ടുൽക്കറുടെ പേരിലുണ്ടായിരുന്ന റെക്കോർഡാണ് പ്രിത്വി ഷാ മറികടന്നത്.
