ദക്ഷിണാഫ്രിക്കയിൽ നടക്കാനിരിക്കുന്ന ഇന്ത്യയുടെ ടി20 പരമ്പരയിൽ വിവിഎസ് ലക്ഷ്മൺ ഇന്ത്യയുടെ മുഖ്യപരിശീലകനാകും. ബോർഡർ-ഗവാസ്‌കർ ട്രോഫിക്കായി ഓസ്‌ട്രേലിയയിലേക്ക് ഗൗതം ഗംഭീർ പോകുന്നതിനാലാണ് ലക്ഷ്മൺ താൽക്കാലികമായി ചുമതലയേൽക്കുന്നത്.
ദേശീയ ക്രിക്കറ്റ് അക്കാദമി (എൻസിഎ) സ്റ്റാഫ് അംഗങ്ങളായ സായിരാജ് ബഹുതുലെ, ഹൃഷികേശ് കനിത്കർ, ശുഭദീപ് ഘോഷ് എന്നിവരും ഒപ്പം ഉണ്ടാകും. നവംബർ 8 മുതൽ 15 വരെ ഡർബൻ, ഗ്കെബെർഹ, സെഞ്ചൂറിയൻ, ജോഹന്നാസ്ബർഗ് എന്നിവിടങ്ങളിലെ വേദികളിൽ നടക്കുന്ന നാല് ടി20 മത്സരങ്ങളാണ് ഈ പരമ്പരയിൽ ഉള്ളത്.
