2012 ന് ശേഷമുള്ള തന്റെ ആദ്യ രഞ്ജി ട്രോഫി മത്സരത്തിന് മുമ്പായി മുൻ ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്ലി ഡൽഹി ടീമിനൊപ്പം പരിശീലനം നടത്താൻ ഒരുങ്ങുന്നു. ജനുവരി 30 ന് അരുൺ ജെയ്റ്റ്ലി സ്റ്റേഡിയത്തിൽ റെയിൽവേസിനെതിരെ നടക്കാനിരിക്കുന്ന രഞ്ജി ട്രോഫി മത്സരത്തിനായി കോഹ്ലി ഡൽഹി ടീമിനൊപ്പം പരിശീലനം നടത്തുമെന്ന് ഇഎസ്പിഎൻ ക്രിക്ക്ഇൻഫോ റിപ്പോർട്ട് ചെയ്യുന്നു. നാളെ മുതൽ ആകും പരിശീലനം.
ഇന്ത്യയുടെ മുൻ ബാറ്റിംഗ് പരിശീലകൻ സഞ്ജയ് ബംഗാറിന് കീഴിലാകും പരിശീലനം. കോഹ്ലിക്ക് 155 മത്സരങ്ങളിൽ നിന്ന് 48.23 ശരാശരിയിൽ 11,479 റൺസ് നേടിയ മികച്ച ഫസ്റ്റ് ക്ലാസ് റെക്കോർഡുണ്ട്. കോഹ്ലിയുടെ കഴുത്ത് വേദന കാരണം കഴിഞ്ഞ രഞ്ജു ട്രോഫി മത്സരത്തിൽ കളിച്ചിരുന്നില്ല.
