എം. ചിന്നസ്വാമി സ്റ്റേഡിയത്തിൽ നടന്ന തീവ്രമായ നെറ്റ് സെഷനിലൂടെ വിരാട് കോഹ്‌ലി ഐപിഎൽ 2025-നുള്ള തയ്യാറെടുപ്പുകൾ ആരംഭിച്ചു. റോയൽ ചലഞ്ചേഴ്‌സ് ബെംഗളൂരു (ആർസിബി) ബാറ്റർ ത്രോഡൗൺ സ്പെഷ്യലിസ്റ്റുകളെ നേരിട്ടു.
ഇന്ത്യയുടെ ചാമ്പ്യൻസ് ട്രോഫി വിജയത്തിൽ നിർണായക പങ്ക് വഹിച്ച കോഹ്‌ലി മികച്ച ഫോമിലാണ് ഈ സീസണിലേക്ക് പ്രവേശിക്കുന്നത്. പാക്കിസ്ഥാനെതിരായ മാച്ച് വിന്നിംഗ് സെഞ്ച്വറി ഉൾപ്പെടെ അഞ്ച് ഇന്നിംഗ്‌സുകളിൽ നിന്ന് 218 റൺസ് അദ്ദേഹം നേടി. ഐപിഎൽ 2024 ൽ 741 റൺസുമായി ഓറഞ്ച് ക്യാപ്പ് നേടിയ മുൻ ആർസിബി ക്യാപ്റ്റൻ, പുതിയ നായകൻ രജത് പതിദാറിന് കീഴിൽ ആർ സി ബിയുടെ കന്നി കിരീടമാണ് ലക്ഷ്യമിടുന്നത്.
മാർച്ച് 22 ന് നിലവിലെ ചാമ്പ്യൻമാരായ കൊൽക്കത്ത നൈറ്റ് റൈഡേഴ്സിനെതിരെ RCB അവരുടെ IPL 2025 ക്യാമ്പയിൻ ആരംഭിക്കും.
