താന്‍ പണ്ട് സ്ഥിരം റണ്‍സ് കണ്ടെത്തിയിരുന്നുവെങ്കിലും പ്രാദേശിക ടീമില്‍ സ്പിന്നറായതിനാല്‍ ഇടം ലഭിച്ചിരുന്നില്ലെന്ന് പറഞ്ഞ് വിജയ് ശങ്കര്‍. അതിന് ശേഷം മീഡിയം പേസിലേക്ക് മാറിയെന്നും കാര്യങ്ങള്‍ മാറി മറിയുകയായിരുന്നുവെന്നും പറഞ്ഞ് ഇന്ത്യന്‍ ഓള്‍റൗണ്ടര്‍ വിജയ് ശങ്കര്‍. തമിഴ്നാടിന് വേണ്ടി 2012ല്‍ അരങ്ങേറ്റം കുറിച്ച താരം ഇന്ത്യയ്ക്ക് വേണ്ടി 2018ല്‍ ശ്രീലങ്കയില്‍ നടന്ന നിദാഹസ് ട്രോഫിയിലാണ് അരങ്ങേറ്റം കുറിച്ചത്.
ഇന്ത്യയുടെ ലോകകപ്പ് ടീമിലും ഇടം ലഭിച്ച താരം പിന്നീട് പരിക്കേറ്റ് പുറത്ത് പോകുകയായിരുന്നു. ഇതുവരെ ടീമില്‍ സ്ഥിരതയാര്‍ന്ന പ്രകടനം പുറത്തെടുക്കുവാന്‍ താരത്തിന് സാധിച്ചിട്ടില്ല. സണ്‍റേസേഴ്സ് ടീം നായകന്‍ ഡേവിഡ് വാര്‍ണറുമായി സംസാരിക്കുമ്പോളാണ് താരം ഇക്കാര്യം പങ്കുവെച്ചത്.
