പാക്കിസ്ഥാനെതിരെ ബോക്സിംഗ് ഡേ ടെസ്റ്റില് വെറോണ് ഫിലാന്ഡര് കളിയ്ക്കില്ല. താരത്തിന്റെ കൈവിരലിനേറ്റ പരിക്കാണ് കാരണം. പാക്കിസ്ഥാനെതിരെ ഡിസംബര് 26നു ആരംഭിയ്ക്കുന്ന പരമ്പരയിലെ ആദ്യ ടെസ്റ്റിലാണ് താരം കളിയ്ക്കില്ല എന്ന് ഉറപ്പായിരിക്കുന്നത്. ലുംഗിസാനി ഗിഡിയും പരിക്കിന്റെ പിടിയിലായതിനാല് വെറ്ററന് താരം ഡെയില് സ്റ്റെയിനിനും കാഗിസോ റബാഡയ്ക്കുമാകും അധിക ചുമതല.
തങ്ങളുടെ രണ്ട് പ്രധാന പേസ് ബൗളര്മാരില്ലാതെയാവും ദക്ഷിണാഫ്രിക്ക പാക്കിസ്ഥാനെതിരെ മത്സരിക്കുവാനെത്തുന്നത്. സെഞ്ചൂറിയണില് നടക്കുന്ന ടെസ്റ്റില് ഇപ്പോള് വെറോണ് ഫിലാന്ഡറും ഇല്ലാതാകുന്നത് ദക്ഷിണാഫ്രിക്കയ്ക്ക് ഇരട്ടി പ്രഹരം ആയിട്ടുണ്ട്.