52 റൺസ് നേടുന്നതിനിടെ എട്ട് വിക്കറ്റുകള്‍ നഷ്ടമായപ്പോള്‍ വെസ്റ്റിന്‍ഡീസിന് മുന്നിൽ തകര്‍ന്നടിഞ്ഞ് ലങ്കന്‍ ബാറ്റിംഗ്. 152/2 എന്ന നിലയിൽ നിന്ന് 204 റൺസിന് ടീം ഓള്‍ഔട്ട് ആയപ്പോള്‍ സന്ദര്‍ശകര്‍ക്കായി വീരസാമി പെരുമാളും ജോമൽ വാരിക്കനുമാണ് തിളങ്ങിയത്.
പതും നിസ്സങ്ക 73 റൺസുമായി ലങ്കന്‍ നിരയിൽ ടോപ് സ്കോറര്‍ ആയപ്പോള്‍ വീരസാമി 5 വിക്കറ്റും ജോമൽ 4 വിക്കറ്റുമാണ് നേടിയത്.
29.4 ഓവര്‍ പിന്നിട്ടപ്പോള്‍ വിന്‍ഡീസ് 69/1 എന്ന നിലയിൽ നില്‍ക്കുമ്പോള്‍ മഴ കളിയ്ക്ക് തടസ്സം സൃഷ്ടിക്കുകയായിരുന്നു. 22 റൺസുമായി ക്രെയിഗ് ബ്രാത്‍വൈറ്റും ഒരു റൺസ് നേടി എന്‍ക്രുമ ബോണ്ണറുമാണ് സന്ദര്‍ശകര്‍ക്കായി ക്രീസിലുള്ളത്. 44 റൺസ് നേടിയ ജെര്‍മൈന്‍ ബ്ലാക്ക്വുഡിനെ പ്രവീൺ ജയവിക്രമ പുറത്താക്കുകയായിരുന്നു.
