ന്യൂസിലാണ്ടിനെതിരെയുള്ള ടി20 പരമ്പരയില്‍ നിന്ന് തമീം ഇക്ബാല്‍ പിന്മാറി. ടീം മാനേജ്മെന്റിനോട് താന്‍ തന്റെ തീരുമാനം അറിയിച്ചുവെന്നും തീരുമാനം വ്യക്തിപരമായ കാരണങ്ങളാലാണെന്നും തമീം വ്യക്തമാക്കി. നേരത്തെ സീനിയര്‍ താരം ഷാക്കിബ് ടീമിനൊപ്പം ന്യൂസിലാണ്ടിലേക്ക് യാത്രയാകുന്നില്ലെന്ന് അറിയിച്ചിരുന്നു. തമീം ഏകദിന പരമ്പരയില്‍ പങ്കെടുത്ത ശേഷമാവും നാട്ടിലേക്ക് മടങ്ങുക.
ഷാക്കിബ് ഇല്ലാത്തത് ഏകദിനത്തില്‍ ടീമിന് തിരിച്ചടിയാകുമോ എന്ന ചോദ്യത്തിന് തമീം പറഞ്ഞത്, എല്ലാ സമയവും എല്ലാ താരങ്ങളുടെയും സേവനം ടീമുകള്‍ക്ക് ഉറപ്പിക്കാനാകില്ലെന്നും അത്തരം സാഹചര്യത്തില്‍ ടീമിന് ഇതെങ്ങനെ തരണം ചെയ്യാമെന്നതാണ് നോക്കേണ്ടതെന്നും തമീം വ്യക്തമാക്കി.
