2024 T20 ലോകകപ്പ് നടക്കുക പുതിയ ഫോർമാറ്റിൽ. നിലവിലുള്ള രീതികൾ മാറ്റാം ഐ സി സി തീരുമാനിച്ചു കഴിഞ്ഞു. 20 രാജ്യങ്ങൾ ആകും അടുത്ത ലോകകപ്പിൽ പങ്കെടുക്കുക. അഞ്ച് ടീമുകൾ വീതമുള്ള നാല് ഗ്രൂപ്പുകളായി ഈ ഇരുപത് ടീമുകൾ മത്സരിക്കും. 2021, 2022 പതിപ്പുകളിൽ, ആദ്യ റൗണ്ടിന് ശേഷം സൂപ്പർ 12 ആയിരുന്നു എങ്കിൽ ഇനി സൂപ്പർ 8 ആകും ഉണ്ടാവുക.
നാല് ഗ്രൂപ്പുകളിൽ നിന്നും ആദ്യം എത്തുന്ന രണ്ട് ടീമുകൾ സൂപ്പർ എട്ട് ഘട്ടത്തിലേക്ക് മുന്നേറും. അവിടെ 4 ടീമുകൾ ഉള്ള രണ്ട് ഗ്രൂപ്പുകളായി തിരിച്ച് ടീമുകൾ പോരാടും. രണ്ട് സൂപ്പർ എട്ട് ഗ്രൂപ്പുകളിലെയും ആദ്യ രണ്ട് ടീമുകൾ സെമിഫൈനലിലേക്ക് എത്തും. പിന്നീട് ഫൈനൽ. ഇതാകും 2024 ലോകകപ്പിന്റെ മത്സരരീതി. വെസ്റ്റ് ഇൻഡീസിലും അമേരിക്കയിലും ആയാണ് അടുത്ത ടി20 ലോകകപ്പ് നടക്കുന്നത്‌
