കൊൽക്കത്തയിലെ ഈഡൻ ഗാർഡൻസിൽ നടന്ന ആദ്യ ടി20യിൽ ഇംഗ്ലണ്ടിനെതിരെ ഇന്ത്യ ഏഴ് വിക്കറ്റിന് വിജയിച്ചതിന് ശേഷമുള്ള തന്റെ ടീമിന്റെ പ്രകടനത്തെ സൂര്യകുമാർ യാദവ് പ്രശംസിച്ചു. 20 ഓവറിൽ 132 റൺസിന് ഇംഗ്ലണ്ടിനെ പുറത്താക്കിയ ഇന്ത്യ, 34 പന്തിൽ 79 റൺസ് നേടിയ അഭിഷേക് ശർമ്മയുടെ മിന്നുന്ന പ്രകടനത്തിന്റെ പിൻബലത്തിൽ വെറും 12.5 ഓവറിൽ ലക്ഷ്യം മറികടന്നു.
“കളിക്കാരുടെ ഊർജ്ജമാണ് കളി നിശ്ചയിച്ചത്. ബൗളർമാർക്ക് കൃത്യമായ പദ്ധതികളുണ്ടായിരുന്നു, അവർ അത് നടപ്പിലാക്കി. ഞങ്ങൾ ബാറ്റ് ചെയ്ത രീതിയും മികച്ചതായിരുന്നു.” സൂര്യകുമാർ പറഞ്ഞു.
“ഗൗതി ഭായ് ധാരാളം സ്വാതന്ത്ര്യം നൽകുന്നു, ഞങ്ങൾ അൽപ്പം വ്യത്യസ്തമായി കളിക്കാൻ അദ്ദേഹം ആഗ്രഹിക്കുന്നു.” സൂര്യ പറഞ്ഞു
അഞ്ച് മത്സരങ്ങളുള്ള പരമ്പരയിൽ ഇന്ത്യ ഇപ്പോൾ 1-0 ന് മുന്നിലാണ്, രണ്ടാം ടി20 ശനിയാഴ്ച ചെന്നൈയിൽ നടക്കും.
