പരിമിത ഓവര്‍ ക്രിക്കറ്റില്‍ ഏറെക്കാലമായി ലങ്കന്‍ ക്രിക്കറ്റില്‍ നിന്ന് പുറത്തായിരുന്ന സുരംഗ ലക്മല്‍ വീണ്ടും ടി20 ക്രിക്കറ്റിലേക്ക് മടങ്ങിയെത്തുന്നു. ദക്ഷിണാഫ്രിക്കയ്ക്കെതിരെയുള്ള ടി20 സ്ക്വാഡില്‍ ആണ് സുരംഗ ലക്മല്‍ ഇടം പിടിച്ചത്. ദസുന്‍ ഷനക ടീമില്‍ നിന്ന് പുറത്ത് പോയപ്പോള്‍ ജെഫ്രേ വാന്‍ഡേര്‍സേ, സദീര സമരവിക്രമ, അസിത ഫെര്‍ണാണ്ടോ എന്നിവരാണ് ടീമില്‍ ഇടം പിടിച്ച മറ്റു താരം.
ലക്മല്‍ മാര്‍ച്ച് 2018ല്‍ ആണ് അവസാനമായി ശ്രീലങ്കയ്ക്കായി ടി20 കളിച്ചത്. ഏകദിനത്തില്‍ അതേ വര്‍ഷം സെപ്റ്റംബറിലും. ഇതില്‍ വാന്‍ഡേര്‍സേ ഒക്ടോബര്‍ 2017ല്‍ പാക്കിസ്ഥാനെതിരെയാണ് അവസാനമായി ഏകദിനത്തില്‍ കളിച്ചത്. എന്നാല്‍ ശ്രീലങ്കയ്ക്കായി ടെസ്റ്റില്‍ മികച്ച രീതിയില്‍ പ്രകടനം പുറത്തെടുത്ത ഒഷാഡ ഫെര്‍ണാണ്ടോയെ പരിഗണിച്ചിട്ടില്ല.
