തന്റെ കൂടെ കളിച്ചത്തിൽ വെച്ച് ഏറ്റവും സ്വാർത്ഥനായ താരം ആയിരുന്നു മുൻ ഓസ്‌ട്രേലിയൻ ക്യാപ്റ്റൻ സ്റ്റീവ് വോയെന്ന് ഓസ്‌ട്രേലിയൻ സ്പിൻ ഇതിഹാസം ഷെയിൻ വോൺ. സ്റ്റീവ് വോയുടെ റൺ ഔട്ട് കണക്കുകൾ നിരത്തിയാണ് ഷെയിൻ വോൺ തന്റെ കൂടെ കളിച്ചതിൽ വെച്ച് ഏറ്റവും സ്വാർത്ഥനായ താരമാണ് സ്റ്റീവ് വോയെന്ന് ഷെയിൻ വോൺ പറഞ്ഞത്.
സ്റ്റീവ് വോ തന്റെ കരിയറിൽ 104 റൺ ഔട്ടുകളിൽ ഉൾപെട്ടിട്ടുണ്ടെന്നും അതിൽ 73 തവണയും സ്റ്റീവ് വോയുടെ ബാറ്റിംഗ് പങ്കാളിയാണ് പുറത്തായതെന്നും ഷെയിൻ വോൺ പറഞ്ഞു. അതെ സമയം മുൻ ഓസ്‌ട്രേലിയൻ താരം ജേസൺ ഗില്ലസ്പി സ്റ്റീവ് സ്വാർത്ഥൻ അല്ലെന്ന വാദവുമായി രംഗത്തെത്തി. ഷെയിൻ വോണിന് അദ്ദേഹത്തിന്റെ അഭിപ്രായം പറയാൻ അവകാശം ഉണ്ടെന്നും ഗില്ലസ്പി പറഞ്ഞു.
1999ൽ വെസ്റ്റിൻഡീസിനെതിരായ ടെസ്റ്റിൽ നിന്ന് ഷെയിൻ വോണിനെ സ്റ്റീവ് വോ പുറത്തിരുത്തിയതോടെയാണ് ഇരു താരങ്ങളും തമ്മിലുള്ള ശത്രുത തുടങ്ങുന്നത്.
