ഓസ്ട്രേലിയയും ഇന്ത്യയും തമ്മിൽ നടക്കുന്ന പിങ്ക് ടെസ്റ്റിൽ ആദ്യം ബാറ്റു ചെയ്യുന്ന ഇന്ത്യ ലഞ്ചിന് പിരിയുമ്പോൾ 4 വിക്കറ്റ് നഷ്ടത്തിൽ 82 എന്ന നിലയിൽ. ഇന്ത്യക്ക് ഇന്ന് അത്ര നല്ല തുടക്കം അല്ല ലഭിച്ചത്. മത്സരത്തിലെ ആദ്യ പന്തിൽ തന്നെ ഇന്ത്യക്ക് ജയ്സ്വാളിനെ നഷ്ടമായി. സ്റ്റാർക്ക് ആണ് ആദ്യ പന്തിൽ ജയ്സ്വാളിനെ പുറത്താക്കിയത്.
ഇതിനു ശേഷം കെ എൽ രാഹുലും ഗില്ലും ചേർന്ന് ഇന്ത്യയെ മുന്നോട്ട് നയിച്ചു. അവർ 69 റൺസിന്റെ കൂട്ടുകെട്ട് തീർത്തു. 37 റൺസ് എടുത്ത കെ എൽ രാഹുലിനെയും സ്റ്റാർക്ക് തന്നെയാണ് പുറത്താക്കിയത്. കെ എൽ രാഹുൽ 6 ബൗണ്ടറികൾ തന്റെ ഇന്നിംഗ്സിൽ അടിച്ചു.
രാഹുലിന് പിന്നാലെ വന്ന കോഹ്ലിക്ക് അധികനേരം പിടിച്ചു നിൽക്കാൻ ആയില്ല. വെറും 7 റൺസ് എടുത്ത് കോഹ്ലിയും സ്റ്റാർക്കിന് മുന്നിൽ വീണു. അധികം വൈകാതെ ഗില്ലും കളം വിട്ടു. ബോളണ്ടിന്റെ പന്തിൽ ഗിൽ എൽ ബി ഡബ്ല്യു ആവുക ആയിരുന്നു. 31 റൺസ് ആണ് ഗിൽ എടുത്തത്.
ഇപ്പോൾ 4 റൺസുമായി പന്തും 1 റൺസുമായി രോഹിത് ശർമ്മയും ആണ് ക്രീസിൽ ഉള്ളത്.
