ഒരു ഇന്നിംഗ്സിൽ 300 റൺസ് ഭേദിച്ച് ഐപിഎൽ 2025ൽ ഒരു പുതിയ റെക്കോർഡ് സ്ഥാപിക്കാൻ സൺറൈസേഴ്സ് ഹൈദരാബാദിന് (SRH) കരുത്തുണ്ടെന്ന് മുൻ ഇന്ത്യൻ ക്രിക്കറ്റ് താരം ഹനുമ വിഹാരി വിശ്വസിക്കുന്നു. കഴിഞ്ഞ സീസണിൽ റോയൽ ചലഞ്ചേഴ്സ് ബാംഗ്ലൂരിനെതിരെ 287 റൺസ് എന്ന റെക്കോർഡ് ടോട്ടൽ നേടാൻ എസ്ആർഎച്ചിന് ആയിരുന്നു.
ഇഷാൻ കിഷനെ മൂന്നാം നമ്പറിൽ ഉൾപ്പെടുത്തി സൺറൈസേഴ്സ് തങ്ങളുടെ ശക്തമായ ബാറ്റിംഗ് ഓർഡറിനെ ശക്തിപ്പെടുത്തിയിട്ടുണ്ട്. ഓപ്പണർമാരായ ട്രാവിസ് ഹെഡും അഭിഷേക് ശർമ്മയും മികച്ച തുടക്കം നൽകിയാൽ ഹെൻറിച്ച് ക്ലാസണും നിതീഷ് റെഡ്ഡിയും ചേർന്ന് 300 റൺസ് സ്കോർ ചെയ്യും എന്ന് വിഹാരി പറയുന്നു.
“സൺറൈസേഴ്സ് ഒരു പുതിയ ശൈലി സ്ഥാപിച്ചു. ടീമിന് നൽകിയ സ്വാതന്ത്ര്യത്തിന് ക്യാപ്റ്റൻ, കോച്ച്, ടീം മാനേജ്മെൻ്റ് എന്നിവർക്ക് ആണ് ക്രെഡിറ്റ്. ഈ സീസണിലും അവർ അതേ രീതിയിൽ തുടരുമെന്ന് എനിക്ക് ഉറപ്പുണ്ട്,” അദ്ദേഹം പറഞ്ഞു.
