വെസ്റ്റിന്‍ഡീസിനെതിരെ ജോഹാന്നസ്ബര്‍ഗ് ടെസ്റ്റിൽ 284 റൺസിന്റെ കൂറ്റന്‍ വിജയം നേടി ദക്ഷിണാഫ്രിക്ക. ടീമിന്റെ രണ്ടാം ഇന്നിംഗ്സ് 321 റൺസിൽ അവസാനിച്ചപ്പോള്‍ ബാവുമയുടെ(172) വിക്കറ്റാണ് ടീമിന് ഇന്നാദ്യം നഷ്ടമായത്.
391 റൺസ് വിജയ ലക്ഷ്യം തേടിയറങ്ങിയ വെസ്റ്റിന്‍ഡീസ് 35.1 ഓവറിൽ 106 റൺസിന് ഓള്‍ഔട്ട് ആകുകയായിരുന്നു. 34 റൺസ് നേടിയ ജോഷ്വ ഡാ സിൽവയാണ് ടോപ് സ്കോറര്‍. ദക്ഷിണാഫ്രിക്കയ്ക്കായി സൈമൺ ഹാര്‍മ്മറും ജെറാള്‍ഡ് കോയറ്റ്സേയും മൂന്ന് വീതം വിക്കറ്റും കാഗിസോ റബാഡ, കേശവ് മഹാരാജ് എന്നിവര്‍ രണ്ട് വീതം വിക്കറ്റും നേടി.
വിജയത്തോടെ ടെസ്റ്റ് പരമ്പര 2-0ന് ദക്ഷിണാഫ്രിക്ക സ്വന്തമാക്കി.
