ബോർഡർ-ഗവാസ്കർ ട്രോഫിക്ക് മുന്നോടിയായുള്ള വാർത്താ സമ്മേളനങ്ങളിൽ ഗൗതം ഗംഭീർ പോണ്ടിംഗിനെ വിമർശിച്ചത് വലിയ വിവാദമായിരുന്നു. ഈ വിവാദങ്ങളിൽ ഗംഭീറിനെ പിന്തുണച്ച് മുൻ ഇന്ത്യൻ ക്യാപ്റ്റൻ സൗരവ് ഗാംഗുലി. വിരാട് കോഹ്ലിയുടെ ഫോമിനെക്കുറിച്ചുള്ള ഓസ്ട്രേലിയൻ ഇതിഹാസം റിക്കി പോണ്ടിംഗ് സംസാരിച്ചപ്പോൾ പോണ്ടിംഗ് ഇന്ത്യയുടെ കാര്യം നോക്കേണ്ടതില്ല ഓസ്ട്രേലിയയുടെ കാര്യം നോക്കിയാൽ മതി എന്ന് ഗംഭീർ പറഞ്ഞിരുന്നു.
വിവാദത്തെ അഭിസംബോധന ചെയ്തുകൊണ്ട് ഗാംഗുലി റെവ്സ്പോർട്സിനോട് സംസാരിച്ചു, ഗംഭീറിനെ ഗംഭീറായി നിൽക്കാൻ വിടൂ. ഗംഭീർ അങ്ങനെയാണ് മുമ്പും സൻസാരിക്കാറ്. അതിൽ തെറ്റില്ല. ഗാംഗുലി പറഞ്ഞു.
“ഐപിഎൽ ജയിച്ചപ്പോൾ എല്ലാവരും ഗംഭീറിനെ പ്രശംസിച്ചു. ഇപ്പോൾ, കുറച്ച് പരാജയങ്ങൾക്ക് പിന്നാലെ, ആളുകൾ പെട്ടെന്ന് അവനെ വിലയിരുത്തുന്നു. ഓസ്ട്രേലിയക്കാർ എല്ലായ്പ്പോഴും കഠിനമായ ക്രിക്കറ്റ് കളിച്ചിട്ടുണ്ട്, ഗംഭീർ തൻ്റെ ഗ്രൗണ്ടിൽ നിൽക്കുകയാണ്. വിലയിരുത്തപ്പെടുന്നതിന് മുമ്പ് അദ്ദേഹം മുഖ്യ പരിശീലകനായി കൂടുതൽ സമയം അർഹിക്കുന്നു.” ഗാംഗുലി പറഞ്ഞു.
