ഇന്ത്യൻ വനിതകളും ഇംഗ്ലണ്ട് വനിതകളും തമ്മിലുള്ള രണ്ടാം ഏകദിന മത്സരത്തിൽ സ്മൃതി മന്ദാന ഒരു റെക്കോർഡ് കുറിച്ചു. വനിതാ ഏകദിന ക്രിക്കറ്റിൽ ഏറ്റവും വേഗത്തിൽ 3000 റൺസ് തികയ്ക്കുന്ന ഇന്ത്യൻ താരമായി ഇന്ത്യൻ വൈസ് ക്യാപ്റ്റൻ സ്മൃതി മന്ദാന മാറി. എകദിനത്തിൽ 3000 റൺസ് തികയ്ക്കുന്ന മൂന്നാമത്തെ വനിതാ താരം മാത്രമാണ് മന്ദാന.
തന്റെ 76-ാം ഏകദിന ഇന്നിംഗ്‌സിലാണ് സ്മൃതി 3000 റൺസിൽ എത്തിയത്. 88 ഇന്നിംഗ്‌സുകളിൽ നിന്ന് ഈ നേട്ടം കൈവരിച്ച മിതാലി രാജിനെ ആണ് മന്ദാന മറികടന്നത്.
