ബംഗ്ലാദേശിനെതിരെയുള്ള രണ്ടാം ടെസ്റ്റിന്റെ രണ്ടാം ദിവസത്തെ കളി പുനരാരംഭിക്കുമ്പോള്‍ ശ്രീലങ്കയ്ക്ക് 3 വിക്കറ്റ് കൂടി ഇന്ന് ആദ്യ സെഷനില്‍ നഷ്ടം. 291/1 എന്ന നിലയില്‍ ബാറ്റിംഗ് പുനരാരംഭിച്ച ശ്രീലങ്കയ്ക്ക് തലേ ദിവസം ശതകം തികച്ച ലഹിരു തിരിമന്നേയെയാണ് ആദ്യം നഷ്ടമായത്.
140 റണ്‍സ് നേടിയ തിരിമന്നേയുടെ വിക്കറ്റ് ടാസ്കിന്‍ അഹമ്മദാണ് നേടിയത്. അടുത്തടുത്ത് തന്നെ ആഞ്ചലോ മാത്യൂസിന്റെയും ധനന്‍ജയ ഡി സില്‍വയുടെയും വിക്കറ്റുകള്‍ ലങ്കയ്ക്ക് നഷ്ടമായതോടെ ടീം 313/1 എന്ന നിലയില്‍ നിന്ന് 328/4 എന്ന നിലയിലേക്ക് വീണു.
334/4 എന്ന നിലയിലാണ് രണ്ടാം ദിവസം ഉച്ച ഭക്ഷണത്തിന് പിരിയുമ്പോള്‍ ശ്രീലങ്ക. 65 റണ്‍സ് നേടി ഒഷാഡ ഫെര്‍ണാണ്ടോയും റണ്ണൊന്നുമെടുക്കാതെ പതും നിസ്സങ്കയുമാണ് ആതിഥേയര്‍ക്കായി ക്രീസിലുള്ളത്.
