മാഞ്ചസ്റ്റർ ടെസ്റ്റിൽ ജസ്പ്രീത് ബുംറ കളിക്കുമെന്ന് ഇന്ത്യൻ പേസർ മുഹമ്മദ് സിറാജ് സ്ഥിരീകരിച്ചു. തിങ്കളാഴ്ച ഒരു പരിശീലന സെഷനിടെ മാധ്യമങ്ങളോട് സംസാരിക്കവെ, “ജസ്സി ഭായ് എന്തായാലും കളിക്കും” എന്ന് സിറാജ് വ്യക്തമാക്കിയത് ബുമ്രക്ക് വിശ്രമം നൽകുമോ എന്ന അഭ്യൂഹങ്ങൾക്ക് വിരാമമിട്ടു.
ഇന്ത്യയുടെ ബൗളിംഗ് കോമ്പിനേഷൻ സാഹചര്യങ്ങൾക്കനുസരിച്ച് മാറാൻ സാധ്യതയുണ്ടെങ്കിലും, ടീമിന്റെ ഏക ലക്ഷ്യം വിജയിക്കുക എന്നതാണെന്ന് സിറാജ് ഊന്നിപ്പറഞ്ഞു. ആകാശ് ദീപിന് പരിക്ക് ഉണ്ടെങ്കിലും താരം നെറ്റ്സിൽ പന്തെറിഞ്ഞു എന്ന് സിറാജ് പറഞ്ഞു. അദ്ദേഹം കളിക്കുമോ എന്നത് ടീം മാനേജ്മെന്റ് നാളെ തീരുമാനിക്കും എന്നും സിറാജ് പറഞ്ഞു.
