ശ്രീലങ്കൻ പുരുഷ ക്രിക്കറ്റ് ടീമിന്റെ മുഖ്യ പരിശീലകനായി ക്രിസ് സിൽവർവുഡിനെ ശ്രീലങ്ക നിയമിച്ചു. മുൻ ഇംഗ്ലണ്ട് പരിശീലകനായ ക്രിസ്റ്റ് സില്വർവൂഡ് ഓസ്ട്രേലിയക്ക് എതിരായ ആഷസ് പരമ്പരയിലെ പരാജയത്തെ തുടർന്ന് ഫെബ്രുവരിയിൽ ഇംഗ്ലണ്ട് ടീമിന്റെ പരിശീലക സ്ഥാനം ഉപേക്ഷിച്ചിരുന്നു. ഇപ്പോൾ രണ്ട് വർഷത്തെ കരാറിലാണ് അദ്ദേഹം ശ്രീലങ്കയുടെ കോച്ചാകുന്നത്. മെയ് മാസം നടക്കുന്ന ശ്രീലങ്ക ബംഗ്ലാദേശ് ടെസ്റ്റ് മുതൽ അദ്ദേഹം ടീമിനൊപ്പം ഉണ്ടാകും.
“ശ്രീലങ്കയ്‌ക്കൊപ്പം ചേരുന്നതിൽ ഞാൻ വളരെ ആവേശത്തിലാണ്, അവർക്ക് കഴിവുള്ള ഒരു കൂട്ടം കളിക്കാർ ഉണ്ട്. കളിക്കാരുമായും കോച്ചിംഗ് സ്റ്റാഫുകളുമായും ഉടൻ കൂടിക്കാഴ്ച നടത്താൻ ഞാൻ ആഗ്രഹിക്കുന്നു” കരാർ ഒപ്പുവെച്ച ശേഷം സിൽവർവൂഡ് പറഞ്ഞു.
