ശ്രേയസ് അയ്യർ തിരികെ ഇന്ത്യൻ ടീമിലേക്ക് എത്തുന്നു. ജൂലൈ-ഓഗസ്റ്റ് മാസങ്ങളിൽ ശ്രീലങ്കയ്ക്കെതിരായ മൂന്ന് മത്സര ഏകദിന പരമ്പരയിൽ ശ്രേയസ് അയ്യർ തിരികെ ടീമിൽ എത്തും എന്നാണ് റിപ്പോർട്ടുകൾ. ഗൗതം ഗംഭീർ ഇന്ത്യൻ പരിശീലകനായി എത്തുന്നതോടെ ശ്രേയസും തിരികെ ടീമിലേക്ക് എത്തും. ബി സി സി ഐയുമായി നേരത്തെ പ്രശ്നങ്ങൾ ഉണ്ടായതിനാൽ ശ്രേയസിന്റെ കരാർ ബി സി സി ഐ റദ്ദാക്കിയിരുന്നു.
ഐപിഎല്ലിൽ കൊൽക്കത്ത നൈറ്റ് റൈഡേഴ്സിൽ ഗംഭീറും ശ്രേയസ് അയ്യറും ഒരുമിച്ച് പ്രവർത്തിച്ചിരുന്നു. ജൂലൈ 5 മുതൽ സിംബാബ്വെയ്ക്കെതിരായ അഞ്ച് മത്സരങ്ങളുടെ ടി 20 ഐ പരമ്പര ആണ് ഇനി ലോകകപ്പിനു ശേഷം ഇന്ത്യക്ക് കളിക്കാനുള്ളത്. എന്നാൽ അതിൽ ആകില്ല മറിച്ച് അതു കഴിഞ്ഞ് വരുന്ന ശ്രീലങ്കയ്ക്ക് എതിരായ പരമ്പരയിൽ ആകും അയ്യറിന്റെ തിരിച്ചുവരവ്. ലോകകപ്പിൽ അടക്കം ഇന്ത്യക്ക് ആയി മികച്ച പ്രകടനങ്ങൾ നടത്തിയിട്ടുള്ള താരമാണ് ശ്രേയസ് അയ്യർ.
