വെസ്റ്റ് ഇൻഡീസ് ഫാസ്റ്റ് ബൗളർ ഷാനൻ ഗബ്രിയേൽ അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചു. അവസാന 12 വർഷമായി വെസ്റ്റിൻഡീസിനൊപ്പം അദ്ദേഹം ഉണ്ട്. തൻ്റെ രാജ്യത്തിനായി 86 മത്സരങ്ങൾ കളിച്ചു. 36-കാരൻ തൻ്റെ ഇൻസ്റ്റാഗ്രാം പേജിലൂടെ ആണ് തന്റെ വിരമിക്കൽ പ്രഖ്യാപിച്ചു.
ടെസ്റ്റിൽ ആയിരുന്നു അദ്ദേഹം വെസ്റ്റിൻഡീസിനായി കൂടുതൽ മത്സരങ്ങൾ കളിച്ചത്. ആകെ കളിച്ച 86 അന്താരാഷ്ട്ര മത്സരങ്ങളിൽ 59 മത്സരങ്ങളും ടെസ്റ്റി ആയിരുന്നു. 2012-ൽ ലോർഡ്‌സിൽ ആയിരുന്നു അരങ്ങേറ്റം. ടെസ്റ്റ് കരിയറിൽ ആറ് അഞ്ച് വിക്കറ്റ് നേട്ടങ്ങൾ ഉൾപ്പെടെ 32.21 ശരാശരിയിൽ 166 വിക്കറ്റുകൾ അദ്ദേഹം നേടി. 2018 ജൂണിൽ ശ്രീലങ്കയ്‌ക്കെതിരെയായിരുന്നു അദ്ദേഹത്തിൻ്റെ മികച്ച പ്രകടനം, ആ മത്സരത്തിൽ 121-ന് 13 എന്ന റെക്കോർഡ് നേടി.
