ബാബര്‍ അസമിന്റെ പുറത്താകലിന് ശേഷം പാക്കിസ്ഥാന്‍ ഇന്നിംഗ്സിനെ പടുത്തുയര്‍ത്തുക എന്ന ലക്ഷ്യം ഷാന്‍ മസൂദിന്മേല്‍ വന്ന് പതിക്കുകയായിരുന്നു. ചുറ്റും വിക്കറ്റുകള്‍ വീണു കൊണ്ടിരുന്നപ്പോളും മറു വശത്ത് തന്റെ ഇന്നിംഗ്സ് മുന്നോട്ട് നയിച്ച് ടീമിനെയും സുരക്ഷിത തീരത്തേക്ക് താരം എത്തിക്കുകയായിരുന്നു.
തന്റെ ശതകം പൂര്‍ത്തിയാക്കിയപ്പോള്‍ ഏറെ നാളുകള്‍ക്ക് ശേഷമാണ് ഒരു പാക്കിസ്ഥാന്‍ ഓപ്പണര്‍ ഇംഗ്ലണ്ടില്‍ ടെസ്റ്റ് ശതകം നേടുന്നത്. 1996ല്‍ സൈദ് അന്‍വര്‍ ആണ് ഇതിന് മുമ്പ് ശതകം നേടിയത്. നീണ്ട 24 വര്‍ഷങ്ങള്‍ക്ക് ശേഷമാണ് ഇംഗ്ലണ്ടിന്റെ മണ്ണില്‍ ഒരു പാക്കിസ്ഥാനി ഓപ്പണറുടെ ടെസ്റ്റ് ശതകം.
