ദക്ഷിണാഫ്രിക്കയ്ക്കെതിരെ നടക്കുന്ന ബംഗ്ലാദേശിന്റെ ടെസ്റ്റ് പരമ്പരയിൽ നിന്ന് ഷാക്കിബ് അല്‍ ഹസന്‍ പിന്മാറും. രണ്ട് മത്സരങ്ങളാണ് പരമ്പരയിലുള്ളത്. താരം ഏകദിന പരമ്പരയിൽ കളിച്ച ശേഷം ഐപിഎല്‍ കളിക്കുവാനായി ഇന്ത്യയിലേക്ക് യാത്രയാകുമെന്നാണ് ലഭിയ്ക്കുന്ന വിവരം.
ഷാക്കിബ് ഐപിഎൽ മെഗാ ലേലത്തിൽ ഏത് ടീമിലേക്കാവും എത്തുക എന്നത് ഇനിയും തീരുമാനിക്കപ്പെടേണ്ടതുണ്ട്. ഇത് കൂടാതെ ഷാക്കിബിന് മേയ് 8 മുതൽ 23 വരെ ടൂര്‍ണ്ണമെന്റിൽ കളിക്കാനാകില്ലെന്ന് ബംഗ്ലാദേശ് ക്രിക്കറ്റ് ബോര്‍ഡ് ബിസിസിഐയെ അറിയിച്ചിട്ടുണ്ട്.
ബംഗ്ലാദേശിന്റെ ശ്രീലങ്കയ്ക്കെതിരെയുള്ള ടെസ്റ്റ് പരമ്പര കളിക്കേണ്ടതിനാലാണ് ഇത്.
