ബംഗ്ലാദേശ്-ശ്രീലങ്ക-സിംബാബ്‍വേ ത്രിരാഷ്ട്ര പരമ്പരയില്‍ വിജയത്തുടക്കവുമായി ബംഗ്ലാദേശ്. ഇന്ന് നടന്ന ആദ്യ മത്സരത്തില്‍ 8 വിക്കറ്റിനാണ് ആതിഥേയര്‍ സിംബാബ്‍വേയെ പരാജയപ്പെടുത്തിയത്. മത്സരത്തില്‍ ആദ്യം ബാറ്റ് ചെയ്ത സിംബാബ്‍വേ 49 ഓവറില്‍ 170 റണ്‍സിനു ഓള്‍ഔട്ട് ആയപ്പോള്‍ 28.3 ഓവറില്‍ 2 വിക്കറ്റ് നഷ്ടത്തില്‍ 171 റണ്‍സ് നേടി ബംഗ്ലാദേശ് വിജയം കൊയ്തു. ഷാകിബ് അല്‍ ഹസന്‍ ആണ് കളിയിലെ താരം.
സിംബാബ്‍വേയുടെ മൂന്ന് വിക്കറ്റുകളഅ വീഴ്ത്തിയ ഷാകിബ് ബാറ്റിംഗിനിറങ്ങി 37 റണ്‍സ് നേടി. സിക്കന്ദര്‍ റാസ സിംബാബ്‍വേയ്ക്കായി 52 റണ്‍സും 2 വിക്കറ്റും വീഴ്ത്തി. തമീം ഇക്ബാല്‍ പുറത്താകാതെ 84 റണ്‍സ് നേടി. പീറ്റര്‍ മൂര്‍(33) റണ്‍സ് നേടി സിംബാബ്‍വേയ്ക്കായി ചെറുത്ത് നില്പ് നടത്തി നോക്കിയിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
