ലോക ടെസ്റ്റ് ചാമ്പ്യന്ഷിപ്പിന്റെ അവസാന ദിവസം ഇന്ത്യയ്ക്ക് ആദ്യം നഷ്ടമാകുന്നത് വിരാട് കോഹ്ലിയുടെ വിക്കറ്റായിരുന്നു. സ്കോട്ട് ബോളണ്ടിന്റെ ബൗളിംഗിൽ സ്റ്റീവ് സ്മിത്ത് തകര്പ്പനൊരു ക്യാച്ച് നേടി വിരാടിനെ പുറത്താക്കുമ്പോള് ആരംഭിച്ച ഇന്ത്യയുടെ പതനം ലഞ്ചിന് മുമ്പ് തന്നെ തോൽവിയിലേക്ക് എത്തുന്ന സാഹചര്യമാണുണ്ടാക്കിയത്.
കോഹ്ലിയുടെ വിക്കറ്റ് നേടിയത് ഏറെ വലിയ സന്തോഷം നൽകിയെന്നും സ്മിത്തും ഗ്രീനും തകര്പ്പന് ക്യാച്ചുകള് നേടി ബൗളര്മാരെ പിന്തുണച്ചുവെന്നും സ്കോട്ട് ബോളണ്ട് വ്യക്തമാക്കി. 20 വിക്കറ്റുകള് നേടുകയെന്ന ദൗത്യം വിജയകരമായി തങ്ങളുടെ ബൗളിംഗ് സംഘം പൂര്ത്തിയാക്കിയെന്നും ഇനി ശ്രദ്ധ ആഷസിലേക്കാണെന്നും താരം കൂട്ടിചേര്ത്തു.