സ്കോട്ലാന്ഡിന്റെ നായകന് കൈല് കോയേറ്റ്സര് കളിയില് നിന്ന് ചെറിയ ഇടവേള എടുത്തിരിക്കുന്നതിനാല് ത്രിരാഷ്ട്ര പരമ്പരയിലെ ആദ്യ രണ്ട് മത്സരങ്ങളിലും സ്കോട്ലാന്ഡിനെ ഓള്റൗണ്ടര് റിച്ചി ബെറിംഗ്ടണ് നയിക്കുമെന്ന് മുഖ്യ പരിശീലകന് ഗ്രാന്റ് ബ്രാഡ്ബേണ് അറിയിച്ചു. കോയേറ്റ്സര് തന്റെ ലെവല് 4 കോച്ചിംഗ് ക്വാളിഫിക്കേഷനുമായി ബന്ധപ്പെട്ട കാര്യങ്ങളുമായി തിരക്കിലായതിനാല് ആദ്യ രണ്ട് മത്സരങ്ങളിലുണ്ടാവില്ല.
ആദ്യ മത്സരത്തില് സ്കോട്ലാന് ജനുവരി 16നു അയര്ലണ്ടിനെ നേരിടും. അതിനു ശേഷം രണ്ട് ദിവസങ്ങള്ക്ക് ശേഷം അയര്ലണ്ടുമായി തന്നെയാണ് പരമ്പരയിലെ സ്കോട്ലാന്ഡിന്റെ അടുത്ത മത്സരം. യുഎഇയ്ക്കെതിരെയുള്ള ടീമിന്റെ മൂന്നാം മത്സര സമയത്ത് കൈല് കോയേറ്റ്സര് തിരികെ എത്തുമെന്നാണ് ലഭിക്കുന്ന വിവരം.
കൂടുതൽ കായിക വാർത്തകൾക്ക് : www.facebook.com/FanportOfficial
