ദുലീപ് ട്രോഫിയിൽ സഞ്ജു സാംസൺ മികച്ച പ്രകടനമാണ് ഇന്ന് കാഴ്ചവെച്ചത്. ഇന്ത്യ എയ്ക്കെതിരായ മത്സരത്തിൽ ഇന്ത്യ ഡിക്ക് വേണ്ടി ഉജ്ജ്വലമായ അർദ്ധസെഞ്ച്വറി സഞ്ജു സാംസൺ നേടി. ഒരു ഫോർ അടിച്ചു കൊണ്ടാണ് ഈ ദുലീപ് ട്രോഫിയിലെ തൻ്റെ ആദ്യ അർധ സെഞ്ച്വറിയിൽ സഞ്ജു എത്തിയത്.
57* റൺസുമായി പുറത്താകാതെ നിൽക്കുകയാണ് സഞ്ജു ഇപ്പോൾ. വെറും 56 പന്തിൽ നിന്ന് ആണ് സഞ്ജു 57ൽ എത്തിയത്. 8 ബൗണ്ടറികളും ഒരു മികച്ച സിക്സും ഉൾപ്പെടുന്നതാണ് അദ്ദേഹത്തിൻ്റെ ഇന്നിംഗ്സ്.
സാംസൺ കഴിഞ്ഞ ഇന്നിങ്സിൽ തന്നെ ഫോമിൽ എത്തിയിരുന്നു. തൻ്റെ മുൻ ഇന്നിംഗ്സിൽ 45 പന്തിൽ 40 റൺസ് നേടാൻ സഞ്ജുവിനായിരുന്നു.
