രണ്ടാം ഇന്നിംഗ്സില്‍ 180 റണ്‍സിനു തകര്‍ന്നടിഞ്ഞപ്പോള്‍ ആ സ്കോറിലേക്ക് എത്തിക്കുവാന്‍ ടീമിനെ സഹായിച്ചത് വാലറ്റത്തില്‍ സാം കറന്റെ ചെറുത്ത് നില്പായിരുന്നു. 63 റണ്‍സ് നേടിയ കറന്‍ ആണ് ഇന്നിംഗ്സിലെ അവസാന വിക്കറ്റായി പുറത്തായത്. 87/7 എന്ന നിലയില്‍ നിന്ന് 180ലേക്ക് എത്തിച്ചതിന്റെ ക്രെഡിറ്റ് വാലറ്റത്തിനും സാം കറനും അവകാശപ്പെട്ടതാണ്. ഇന്ത്യയുടെ പരാജയം 31 റണ്‍സിനായിരുന്നു എന്നതും ഈ കൂട്ടുകെട്ടുകളുെ പ്രാധാന്യത്തെ വിളിച്ചോതുന്നു.
ബൗളിംഗില്‍ ആദ്യ ഇന്നിംഗ്സില്‍ നാല് വിക്കറ്റ് താരം നേടിയിരുന്നു. ഇന്ത്യന്‍ ടോപ് ഓര്‍ഡറിലെ മൂന്ന് ബാറ്റ്സ്മാന്മാര്‍ ഇതില്‍പ്പെടുന്നു. ആദ്യ ഇന്നിംഗ്സിലും ബാറ്റ് കൊണ്ട് നിര്‍ണ്ണായകമായ 24 റണ്‍സ് താരം നേടിയിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
