ഹൈദരാബാദിലെ രാജീവ് ഗാന്ധി ഇൻ്റർനാഷണൽ സ്റ്റേഡിയത്തിൽ മുംബൈയ്‌ക്കെതിരെ 20 ഓവറിൽ 234/5 എന്ന തകർപ്പൻ ബാറ്റിംഗ് പ്രകടനമാണ് കേരളം കാഴ്ചവെച്ചത്. ക്യാപ്റ്റൻ സഞ്ജു സാംസൺ 4 റൺസിന് പുറത്തായെങ്കിലും, രോഹൻ എസ് കുന്നുമ്മൽ (48 പന്തിൽ 87), സൽമാൻ നിസാർ (49 പന്തിൽ 99*) എന്നിവർ കേരളത്തെ കൂറ്റൻ സ്കോറിൽ എത്തിച്ചു.
ഏഴ് സിക്‌സുകളുടെ അകമ്പടിയോടെ കുന്നുമ്മലിൻ്റെ അറ്റാക്കിംഗ് സ്‌ട്രോക്ക് പ്ലേ തുടക്കം മുതൽ കേരളത്തിന്റെ റൺറേറ്റ് ഉയർത്തി. എട്ട് സിക്‌സറുകൾ ഉൾപ്പടെ പുറത്താകാതെ 99 റൺസ് നേടിയ നിസാറിന് അർഹിച്ച സെഞ്ച്വറി നേടാൻ ആകാത്തത് മാത്രമാകും നിരാശ.
44 റൺസ് വഴങ്ങി 4 വിക്കറ്റ് വീഴ്ത്തിയ മോഹിത് അവസ്തി ആണ് മും ബൗളർമാരിൽ ആകെ തിളങ്ങിയത്. ഷാർദുൽ ഠാക്കൂർ 4 ഓവറിൽ 69 റൺസാണ് വഴങ്ങിയത്.
