പ്രഫഷണൽ ക്രിക്കറ്റിലെ തൻ്റെ അവസാന കാമ്പെയ്‌നായിരിക്കും ഇപ്പോൾ നടക്കുന്ന രഞ്ജി ട്രോഫി സീസൺ എന്ന് മുതിർന്ന ഇന്ത്യൻ വിക്കറ്റ് കീപ്പർ-ബാറ്റർ വൃദ്ധിമാൻ സാഹ പ്രഖ്യാപിച്ചു. 2010-ൽ ഇന്ത്യയ്‌ക്കായി അരങ്ങേറ്റം കുറിച്ച 40-കാരൻ ഈ സീസണോടെ പ്രൊഫഷണൽ ക്രിക്കറ്റ് വിടും.
“ഈ സീസൺ എൻ്റെ അവസാന സീസണായിരിക്കും. അവസാന തവണ ബംഗാളിനെ പ്രതിനിധീകരിക്കാൻ കഴിയുന്നതിൽ ഞാൻ അഭിമാനിക്കുന്നു. നമുക്ക് ഈ സീസൺ ഓർമ്മയിൽ സൂക്ഷിക്കാം!” സാഹ പോസ്റ്റ് ചെയ്തു.
40 ടെസ്റ്റുകളിൽ നിന്ന് 1353 റൺസും ഒമ്പത് ഏകദിനങ്ങളിൽ നിന്ന് 41 റൺസും നേടിയ സാഹ തൻ്റെ കരിയറിൽ അന്താരാഷ്ട്ര തലത്തിലും ദേശീയ തലത്തിലും മികച്ച പ്രകടനങ്ങൾ കാഴ്ചവെച്ചിട്ടുണ്ട്. ഒന്നിലധികം ഫ്രാഞ്ചൈസികളിലായി 170 മത്സരങ്ങൾ ഐ പി എല്ലിൽ കളിച്ച സാഹ 2934 റൺസ് നേടി. ഐപിഎൽ 2024 സീസണിൽ ഗുജറാത്ത് ടൈറ്റൻസിനായാണ് കളിച്ചത്.
