എസ്എ20യിലെ ഫൈനലിസ്റ്റുകളായി പ്രിട്ടോറിയ ക്യാപിറ്റൽസ്. ഇന്നലെ നടന്ന ആദ്യ സെമിയിൽ പാള്‍ റോയൽസിനെ 29 റൺസിന് പരാജയപ്പെടുത്തിയാണ് ക്യാപിറ്റൽസ് ഫൈനലിലേക്ക് കടന്നത്.
ആദ്യം ബാറ്റ് ചെയ്ത ക്യാപിറ്റൽസ് 153/8 എന്ന സ്കോര്‍ നേടിയപ്പോള്‍ ഈ സ്കോറിലേക്ക് എത്തുവാന്‍ സഹായിച്ചത് 41 പന്തിൽ 56 റൺസ് നേടിയ റൈലി റോസ്സോ ആണ്. എഥാന്‍ ബോഷ് 10 പന്തിൽ 22 റൺസും നേടിയപ്പോള്‍ റോയൽസിന് വേണ്ടി ബൗളിംഗിൽ ആന്‍ഡിലെ ഫെഹ്ലുക്വായോ മൂന്നും തബ്രൈസ് ഷംസി രണ്ടും വിക്കറ്റ് നേടി.
31 റൺസ് നേടിയ ഡേവിഡ് മില്ലര്‍ ഒഴിച്ച് മറ്റാര്‍ക്കും വലിയ സ്കോര്‍ നേടാനാകാതെ പോയത് റോയൽസിന് തിരിച്ചടിയായി. ജേസൺ റോയ്, ജോസ് ബട്‍ലര്‍, ഓയിന്‍ മോര്‍ഗന്‍ എന്നിങ്ങനെ വലിയ താരനിര പരാജയപ്പെടുകയായിരുന്നു. പോള്‍ സ്റ്റിര്‍ലിംഗ് 14 പന്തിൽ 21 റൺസ് നേടി പുറത്തായി.
19 ഓവറിൽ ടീം 124 റൺസിന് ഓള്‍ഔട്ട് ആയപ്പോള്‍ എഥാന്‍ ബോഷ്, ആന്‍റിക് നോര്‍ക്കിയ, ആദിൽ റഷീദ്, ജെയിംസ് നീഷം എന്നിവര്‍ ക്യാപിറ്റൽസിനായി രണ്ട് വീതം വിക്കറ്റ് നേടി.
