ഇന്നലെ നടന്ന ചാമ്പ്യൻസ് ട്രോഫി മത്സരത്തിനിടയിൽ രോഹിത് ശർമ്മ അക്സർ പട്ടേലിന് ഹാട്രിക് കിട്ടേണ്ടിയിരുന്ന ക്യാച്ച് നഷ്ടമാക്കിയിരുന്നു. ആ ക്യാച്ച് കൈവിട്ടതിന് താൻ അക്സർ പട്ടേലിന് കടപ്പെട്ടിരിക്കുന്നുവെന്ന് രോഹിത് ശർമ്മ മത്സര ശേഷം പറഞ്ഞു.
ഇന്നലെ ഒൻപതാം ഓവറിൽ, തുടർച്ചയായ പന്തുകളിൽ ബംഗ്ലാദേശിന്റെ തൻസിദ് ഹസനെയും മുഷ്ഫിഖുർ റഹിമിനെയും അക്സർ പുറത്താക്കി, തുടർന്ന് ജാക്കർ അലി അനിക് ഹാട്രിക് പന്ത് സ്ലിപ്പിൽ രോഹിത്തിന്റെ കൈയിലെത്തിച്ചു. എന്നിരുന്നാലും, രോഹിത് ലളിതമായ ആ ക്യാച്ച് വിട്ടു കളഞ്ഞു.
“നാളെ ഞാൻ അക്സറിനെ ഒരു ഡിന്നറിന് കൊണ്ടുപോകാം. അതൊരു എളുപ്പമുള്ള ക്യാച്ചായിരുന്നു, ഞാൻ ആ ക്യാച്ച് എടുക്കണമായിരുന്നു, പക്ഷേ ഇങ്ങനെയൊക്കെ സംഭവിക്കാൻ,” മത്സര ശേഷം രോഹിത് പറഞ്ഞു.
