ചാമ്പ്യൻസ് ട്രോഫി ഫൈനലിന് ശേഷം ഏകദിനത്തിൽ നിന്ന് രോഹിത് ശർമ്മ വിരമിക്കുമെന്ന അഭ്യൂഹങ്ങൾക്ക് മറുപടി നൽകി ഇന്ത്യൻ വൈസ് ക്യാപ്റ്റൻ ശുഭ്മാൻ ഗിൽ. ദുബായിൽ നടന്ന പ്രീ-ഫൈനൽ പത്രസമ്മേളനത്തിൽ, രോഹിത് തൻ്റെ വിരമിക്കൽ പദ്ധതികളെക്കുറിച്ച് ടീമുമായി ചർച്ച ചെയ്തിട്ടില്ലെന്ന് ഗിൽ പറഞ്ഞു, ന്യൂസിലൻഡിനെതിരായ വിജയം ഉറപ്പാക്കുന്നതിൽ മാത്രമാണ് ക്യാപ്റ്റൻ്റെ ശ്രദ്ധയെന്ന് ഗിൽ ഊന്നിപ്പറഞ്ഞു.
“ഞങ്ങൾ വിരമിക്കലിനെ കുറിച്ച് ചർച്ച ചെയ്തിട്ടില്ല. എല്ലാ സംഭാഷണങ്ങളും ചർച്ചകളും മത്സരം ജയിക്കുന്നതിനെക്കുറിച്ചാണ്. ടീമുമായോ എന്നോടോ അദ്ദേഹം ഇതേക്കുറിച്ച് സംസാരിച്ചിട്ടില്ല. ചാമ്പ്യൻസ് ട്രോഫി നേടുന്നതിലാണ് അദ്ദേഹം ശ്രദ്ധ കേന്ദ്രീകരിക്കുന്നതെന്ന് ഞാൻ കരുതുന്നു.” ഗിൽ പറഞ്ഞു.
