ഓസ്ട്രേലിയയ്ക്കെതിരെ ഇന്ത്യയുടെ ടി20 പരമ്പര ഇന്നാരംഭിക്കാനിരിക്കെ രോഹിത് ശര്‍മ്മ ഒരു ചരിത്ര നേട്ടത്തിനരികെയാണ്. ഗാബില്‍ മാര്‍ട്ടിന്‍ ഗുപ്ടിലിന്റെ ടി20 റണ്ണിനെ മറികടക്കുവാന്‍ രോഹിത് ശര്‍മ്മയ്ക്ക് സാധിക്കുമോ എന്നാണ് ഏവരും ഉറ്റുനോക്കുന്നത്. 64 റണ്‍സ് വ്യത്യാസമാണ് ഗുപ്ടിലുമായി രോഹിത്തിനിപ്പോള്‍ ഉള്ളത്. പരമ്പരയില്‍ മൂന്ന് മത്സരങ്ങളാണുള്ളതെന്നതിനാല്‍ മികച്ച ഫോമിലുള്ള രോഹിത്തിനു അത് അനായാസം മറികടക്കാനാകുമെന്നും പ്രതീക്ഷിക്കപ്പെടുന്നു.
2271 റണ്‍സുമായി ഗുപ്ടില്‍ നില്‍ക്കുമ്പോള്‍ 2207 റണ്‍സാണ് രോഹിത്തിന്റെ സമ്പാദ്യം. ടി20 അന്താരാഷ്ട്ര മത്സരങ്ങളില്‍ ഏറ്റവും അധികം ശതകങ്ങള്‍ എന്ന റെക്കോര്‍ഡ് രോഹിത് ശര്‍മ്മയ്ക്കാണ് സ്വന്തം. നാല് സിക്സുകള്‍ കൂടി നേടിയാല്‍ ടി20യില്‍ രോഹിത് നൂറ് സിക്സുകളും തികയ്ക്കും.
