ന്യൂസിലൻഡിനെതിരായ 2025 ലെ ഐസിസി ചാമ്പ്യൻസ് ട്രോഫി ഫൈനലിൽ ഇന്ത്യയെ വിജയത്തിലേക്ക് നയിച്ചതിന് ശേഷം സംസാരിച്ച രോഹിത് ശർമ്മ താൻ ഏകദിന ക്രിക്കറ്റിൽ നിന്ന് വിരമിക്കുമെന്ന അഭ്യൂഹങ്ങൾ തള്ളിക്കളഞ്ഞു.
ദുബായിൽ ഇന്ത്യ നാല് വിക്കറ്റിന് വിജയിച്ചതിന് ശേഷം, രോഹിത് തന്റെ ഭാവി പദ്ധതികളെക്കുറിച്ച് സംസാരിച്ചു. “ഭാവി പദ്ധതികളൊന്നുമില്ല, കാര്യങ്ങൾ ഇതേപടി തുടരും. ഞാൻ ഈ ഫോർമാറ്റിൽ നിന്ന് വിരമിക്കാൻ പോകുന്നില്ല. മുന്നോട്ട് പോകുമ്പോൾ ഒരു അഭ്യൂഹങ്ങളും പ്രചരിക്കുന്നില്ലെന്ന് ഉറപ്പാക്കാൻ വേണ്ടി മാത്രം ആണ് ഈ ഉത്തരം പറയുന്നത്”
ഇന്ത്യയുടെ വിജയത്തിൽ രോഹിത് നിർണായക പങ്ക് വഹിച്ചു, 83 പന്തിൽ ഏഴ് ഫോറുകളും മൂന്ന് സിക്സറുകളും ഉൾപ്പെടെ 76 റൺസ് നേടി. ഈ വിജയം ഇന്ത്യയുടെ മൂന്നാമത്തെ ചാമ്പ്യൻസ് ട്രോഫി കിരീടമായി.
