ഇന്ത്യൻ ക്രിക്കറ്റ് ടീമിന്റെ വെറ്ററൻ താരം രോഹിത് ശർമ്മ ടെസ്റ്റ് ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചു. നേരത്തെ ടി20 ക്രിക്കറ്റിൽ നിന്നും അദ്ദേഹം വിരമിച്ചിരുന്നു. എന്നാൽ ഏകദിന ക്രിക്കറ്റിൽ ഇന്ത്യക്ക് വേണ്ടി രോഹിത് കളിക്കുന്നത് തുടരും.
രോഹിത് ശർമ്മയുടെ ടെസ്റ്റ് കരിയർ ശ്രദ്ധേയമായിരുന്നു. ടെസ്റ്റിൽ നിരവധി മികച്ച ഇന്നിംഗ്സുകൾ അദ്ദേഹം കളിച്ചിട്ടുണ്ട്. എന്നാൽ, കൂടുതൽ യുവതാരങ്ങൾക്ക് അവസരം നൽകുന്നതിൻ്റെ ഭാഗമായിട്ടാണ് താരം ഈ തീരുമാനം എടുത്തതെന്നാണ് സൂചന.
അവസാന രണ്ട് ടെസ്റ്റ് പരമ്പരകളിലെ മോശം ഫോം ആണ് രോഹിത് ഈ തീരുമാനം എടുക്കാൻ കാരണം. ഓസ്ട്രേലിയക്ക് എതിരായ പരമ്പരയിൽ ഫോം കണ്ടെത്താൻ ആകാത്തതിനാൽ രോഹിത സ്വയം അവസാന മത്സരത്തിൽ നിന്ന് മാറി നിന്നിരുന്നു.
ടെസ്റ്റിൽ ഇന്ത്യക്ക് ആയി 67 മത്സരങ്ങൾ കളിച്ച രോഹിത് 12 സെഞ്ച്വറിയും ഒരു ഇരട്ട സെഞ്ച്വറുയും നേടിയിട്ടുണ്ട്.
OFFICIAL: Rohit Sharma has announced his Test retirement. He will continue to play ODI cricket https://t.co/62P83dzJBY pic.twitter.com/T3J7fvPAXN
— RevSportz Global (@RevSportzGlobal) May 7, 2025
