ഇംഗ്ലണ്ടിനെതിരെ കറാച്ചിയിലെ നാലാം ടി20 മത്സരത്തിൽ ടോസ് നഷ്ടമായി ബാറ്റിംഗിനറങ്ങിയ പാക്കിസ്ഥാന് 166 റൺസ്. 4 വിക്കറ്റ് നഷ്ടത്തിലാണ് പാക്കിസ്ഥാന് ഈ സ്കോര്‍ നേടിയത്.
പതിവ് പോലെ ഓപ്പണര്‍മാരായ മൊഹമ്മദ് റിസ്വാനും ബാബര്‍ അസമും ചേര്‍ന്ന് ഒന്നാം വിക്കറ്റിൽ 97 റൺസ് നേടിയപ്പോള്‍ ലിയാം ഡോസൺ 36 റൺസ് നേടിയ ബാബറിനെ പുറത്താക്കുകയായിരുന്നു.
റിസ്വാനും ഷാന്‍ മസൂദും പാക്കിസ്ഥാനെ മുന്നോട്ട് നയിച്ചപ്പോള്‍ രണ്ടാം വിക്കറ്റിൽ ഇവര്‍ 52 റൺസാണ് നേടിയത്. ഷാന്‍ മസൂദ് 21 റൺസ് നേടി പുറത്തായപ്പോള്‍ റിസ്വാന്‍ അവസാന ഓവറിൽ 67 പന്തിൽ നിന്ന് 88 റൺസ് നേടി പുറത്തായി.
