പാകിസ്താനും ദക്ഷിണാഫ്രിക്കയും തമ്മിലുള്ള ആദ്യ ടി20യിൽ ആദ്യം ബാറ്റു ചെയ്ത പാകിസ്താന് ഭേദപ്പെട്ട സ്കോർ. 20 ഓവറിൽ 6 വിക്കറ്റ് നഷ്ടത്തിൽ 169 റൺസാണ് പാകിസ്ഥാൻ സ്കോർ ചെയ്തത്. ഒറ്റയ്ക്ക് നിന്നു പൊരുതിയ മുഹമ്മദ് റിസ്വാൻ ആണ് പാകിസ്ഥാന് നല്ല സ്കോർ നൽകിയത്. ഓപ്പണറായ റിസ്വാൻ പുറത്താകാതെ 104 റൺസാണ് എടുത്തത്. 64 പന്തിൽ നിന്നായിരുന്നു 104 റൺസ്.
റിസ്വാന്റെ ഇന്നിങ്സിൽ ഏഴു സിക്സും 6 ഫോറും ഉൾപ്പെടുന്നു. 21 റൺസ് എടുത്ത ഹൈദരലി മാത്രമാണ് റിസ്വാന് ചെറിയ പിന്തുണ എങ്കിലും നൽകിയത്. ബാബർ അസം റൺ ഒന്നും എടുക്കാതെ റണൗട്ട് ആയിരുന്നു. ദക്ഷിണാഫ്രിക്ക്ക് വേണ്ടി പെഹ്ലുക്വായോ രണ്ട് വിക്കറ്റും, ശംസി, ഫോർച്യൂൺ,സിപമ്ല എന്നിവർ ഒരോ വിക്കറ്റു വീതവും നേടി.
