ഓസ്ട്രേലിയയ്ക്കെതിരെ രണ്ടാം ഏകദിനത്തില്‍ പാക്കിസ്ഥാന് 284 റണ്‍സ്. മുഹമ്മദ് റിസ്വാന്റെ ശതകത്തിന്റെ ബലത്തിലാണ് ഈ സ്കോര്‍ പാക്കിസ്ഥാന് നേടിയത്. ഷൊയ്ബ് മാലിക് 60 റണ്‍സ് നേടിയപ്പോള്‍ ഹാരിസ് സൊഹൈല്‍ 34 റണ്‍സ് നേടി പുറത്തായി. ഓസ്ട്രേലിയയ്ക്ക് വേണ്ടി ജൈ റിച്ചാര്‍ഡ്സണും നഥാന്‍ കോള്‍ട്ടര്‍-നൈലും രണ്ട് വിക്കറ്റ് നേടി.
5 ഓവര്‍ മാത്രം എറിഞ്ഞ റിച്ചാര്‍ഡ്സണ്‍ പരിക്കേറ്റ് പുറത്ത് പോയത് ഓസ്ട്രേലിയയുടെ ലോകകപ്പ് സ്വപ്നങ്ങള്‍ക്ക് തിരിച്ചടിയായേക്കുമെന്നാണ് കരുതുന്നത്. 5 ഓവറില്‍ 16 റണ്‍സ് മാത്രം വിട്ട് നല്‍കിയ റിച്ചാര്‍ഡ്സണ്‍ ഓപ്പണര്‍മാരെ രണ്ട് പേരെയും പുറത്താക്കുകയായിരുന്നു.
