ഇന്ന് നടന്ന രണ്ടാം ടി20 മത്സരത്തിൽ ഇന്ത്യ 33 റൺസിന് അയർലൻഡിനെ പരാജയപ്പെടുത്തിയിരുന്നു. ഇന്ത്യക്ക് ആയി 21 പന്തിൽ 38 റൺസ് നേടിയ റിങ്കു സിംഗ് ആയിരുന്നു മികച്ച കളിക്കാരനായി തിരഞ്ഞെടുക്കപ്പെട്ടത്. ഇന്ത്യക്ക് ആയി ആദ്യമായി ബാറ്റു ചെയ്തപ്പോൾ തന്നെ പ്ലയർ ഓഫ് ദി മാച്ച് ആയതിൽ സന്തോഷവാൻ ആണ് എന്ന് റിങ്കു മത്സര ശേഷം പറഞ്ഞു.
തന്റെ ആദ്യ 15 പന്തിൽ 15 റൺസ് നേടിയ റിങ്കു, മത്സരത്തിന്റെ അവസാന 2 ഓവറിൽ ആഞ്ഞടിച്ച് ഇന്ത്യയെ 20 ഓവറിൽ 185/5 എന്ന നിലയിൽ എത്തിച്ചു.
“വളരെ സന്തോഷം തോന്നുന്നു. ഇത് എന്റെ രണ്ടാമത്തെ ഗെയിമാണ്, ബാറ്റ് ചെയ്യാൻ വളരെ കാത്തിരിക്കുകയായിരുന്നു. ഐപിഎല്ലിൽ ഞാൻ ചെയ്തത് ആവർത്തിക്കാൻ ആണ് ശ്രമിച്ചത്. ” റിങ്കു പറഞ്ഞു.
“ഞാൻ 10 വർഷമായി കഠിനാധ്വാനം ചെയ്യുന്നു. അതിന്റെ ഫലമാണ് ഈ പ്രകടനം. ഞാൻ ചെയ്ത കഠിനാധ്വാനത്തിന് ഇപ്പോൾ പ്രതിഫലം ലഭിക്കുന്നു. ഞാൻ ബാറ്റ് ചെയ്ത ആദ്യ ഗെയിമിൽ തന്നെ നല്ല പ്രകടനം നടത്താൻ കഴിഞ്ഞു. ഇതിൽ കൂടുതൽ സന്തോഷം ലഭിക്കില്ല,” റിങ്കു പറഞ്ഞു.
