വിന്‍ഡീസ് ക്രിക്കറ്റിന്റെ താത്കാലിക മുഖ്യ കോച്ചായി ക്രിക്കറ്റ് വിന്‍ഡീസ് റിച്ചാര്‍ഡ് പൈബസിനെ നിയമിച്ചു. ഈ വര്‍ഷം നടക്കുന്ന ഇന്ത്യ ഹോം പരമ്പര വരെയാവും ഈ നിയമനം. സ്റ്റുവര്‍ട് ലോ പടിയിറങ്ങിയ ശേഷം താല്‍ക്കാലിക ചുമതല വഹിക്കുന്നു നിക് പോത്താസിനു പകരമാണ് പൈബസ് എത്തുന്നത്. പൈബസ് മുമ്പ് പാക്കിസ്ഥാന്, ബംഗ്ലാദേശ് എന്നീ ടീമുകളുെ കോച്ചായി പ്രവര്‍ത്തിച്ചിട്ടുണ്ട്. നിലവില്‍ വിന്‍ഡീസ് ടീമിന്റെ ഹൈ-പെര്‍ഫോമന്‍സ് ഡയറക്ടര്‍ എന്ന നിലയില്‍ പ്രവര്‍ത്തിക്കുകയാണ് റിച്ചാര്‍ഡ് പൈബസ്.
ഈ മാസം അവസാനം ഇംഗ്ലണ്ടിന മൂന്ന് ടെസ്റ്റ്, അഞ്ച് ഏകദിനങ്ങള്‍, മൂന്ന് ടി20 മത്സരങ്ങളില്‍ വിന്‍ഡീസ് നേരിടും. അതാവും പൈബസിന്റെ ആദ്യ ചുമതല. ലോകകപ്പ് കഴിഞ്ഞ ശേഷം ജൂലൈ-ഓഗസ്റ്റ് മാസങ്ങളില്‍ ഇന്ത്യയെ വിന്‍ഡീസ് ആതിഥേയത്വം വഹിക്കും.
