വെസ്റ്റിന്‍ഡീസിനെതിരെ 160/6 എന്ന സ്കോര്‍ നേടി ദക്ഷിണാഫ്രിക്ക. പുറത്താകാതെ 38 പന്തിൽ 56 റൺസ് നേടിയ റാസ്സി വാന്‍ ഡെര്‍ ഡൂസ്സെനും 37 റൺസ് നേടിയ ക്വിന്റൺ ഡി കോക്കുമാണ് ദക്ഷിണാഫ്രിക്കയെ ഈ സ്കോറിലേക്ക് നയിച്ചത്. ടെംബ ബാവുമ 22 റൺസും റീസ ഹെന്‍ഡ്രിക്സ് 17 റൺസും നേടി.
11 ഓവറിൽ 95/2 എന്ന നിലയിൽ വലിയ സ്കോറിലേക്ക് നീങ്ങുമെന്ന് ദക്ഷിണാഫ്രിക്ക കരുതിയെങ്കിലും പിന്നീടുള്ള ഓവറുകളിൽ വിക്കറ്റുകളുമായി വിന്‍ഡീസ് മത്സരത്തിൽ തിരിച്ചുവരവ് നടത്തുകയായിരുന്നു. വിന്‍ഡീസിന് വേണ്ടി ഡ്വെയിന്‍ ബ്രാവോയും ഫാബിയന്‍ അല്ലനും രണ്ട് വീതം വിക്കറ്റ് നേടുകയായിരുന്നു.
