ഷോണ് വില്യംസ് പുറത്താകാതെ 151 റണ്സുമായി നിന്നുവെങ്കിലും മറുവശത്ത് നിന്ന് വിക്കറ്റുകള് വീഴ്ത്തി സിംബാബ്വേ വാലറ്റത്തെ തുടച്ച് നീക്കിയപ്പോള് ടീം 365 റണ്സിന് ഓള്ഔട്ട്. ഇതോടെ 108 റണ്സാണ് വിജയത്തിനായി അഫ്ഗാനിസ്ഥാന് നേടേണ്ടത്. ബ്ലെസ്സിംഗ് മുസറബാനി 17 റണ്സ് നേടിയെങ്കിലും അമീര് ഹംസ താരത്തെ വീഴത്തി. എന്നാല് ഈ തീരുമാനം വിവാദമായി മാറുകയായിരുന്നു. താരത്തിന്റെ പുറത്താകലില് അമ്പയര് വിധിച്ച പോലെ എഡ്ജ് ഇല്ലായിരുന്നുവെന്നാണ് പിന്നീട് റീപ്ലേകളില് കണ്ടത്.
റഷീദ് ഖാന് അവസാന വിക്കറ്റും വീഴ്ത്തി ഇന്നിംഗ്സില് നിന്ന് ഏഴ് വിക്കറ്റ് സ്വന്തമാക്കി. 5 ഓവറുകള് പിന്നിടുമ്പോള് അഫ്ഗാനിസ്ഥാന് 16/1 എന്ന നിലയിലാണ്. ജാവേദ് അഹമ്മദിയുടെ വിക്കറ്റ് മുസറബാനി വീഴ്ത്തുകയായിരുന്നു.
