ഇംഗ്ലണ്ടിനെതിരെയുള്ള ആദ്യ രണ്ട് ടെസ്റ്റുകള്ക്കുള്ള ടീമിലേക്ക് രജത് പടിദാറിനെ ഉള്പ്പെടുത്തി. വിരാട് കോഹ്ലി വ്യക്തിപരമായ കാരണങ്ങളാൽ ആദ്യ രണ്ട് ടെസ്റ്റുകളിൽ നിന്ന് പിന്മാറിയത് കാരണമാണ് ഇത്. ഇംഗ്ലണ്ട് ലയൺസിനെതിരെയുള്ള സന്നാഹ മത്സരത്തിൽ മികച്ച പ്രകടനമാണ് രജത് പടിദാര് നടത്തിയത്.
ചേതേശ്വര് പുജാര, അജിങ്ക്യ രഹാനെ എന്നിവരെ പരിഗണിക്കാതെയാണ് രജത് പടിദാറിനെ സെലക്ടര്മാര് വിളിച്ചിരിക്കുന്നത്. മുംബൈ താരം സര്ഫ്രാസ് ഖാനും കാത്തിരിപ്പ് തുടരുകയാണ്. ഡിസംബറിൽ ദക്ഷിണാഫ്രിക്കയ്ക്കെതിരെയാണ് പടിദാര് തന്റെ ഏകദിന അരങ്ങേറ്റം നടത്തിയത്.
