ഗാബ ടെസ്റ്റിൽ മൂന്നാം ദിനം മഴ കളിക്ക് തടസാമായി 35 ഓവറുകളോളം മാത്രമെ ഇന്ന് ആകെ എറിയാൻ ആയുള്ളൂ. മഴ കാരണം കളി നിർത്തുമ്പോൾ ഇന്ത്യ 51-4 എന്ന നിലയിൽ ആണ്. ഓസ്ട്രേലിയ ആദ്യ ഇന്നിംഗ്സിൽ 445 റൺസ് എടുത്തിരുന്നു. ഇന്ത്യ ആ സ്കോറിന് 394 റൺസ് പിറകിലാണ്.
4 റൺസ് മാത്രം എടുത്ത ജയ്സ്വാളിനെയും 1 റൺ മാത്രം എടുത്ത ഗില്ലിനെയും സ്റ്റാർക്ക് പുറത്താക്കി. 3 റൺസ് മാത്രം എടുത്ത കോഹ്ലി വീണ്ടും നിരാശപ്പെടുത്തി. കോഹ്ലിയെ ഹേസില്വുഡ് ആണ് പുറത്താക്കിയത്. 9 റൺസ് എടുത്ത പന്തിനെ കമ്മിൻസും പുറത്താക്കി.
33 റൺസുമായി കെ എൽ രാഹുലും റൺ ഒന്നും എടുക്കാതെ രോഹിത് ശർമ്മയും ആണ് ഇപ്പോൾ ക്രീസിൽ ഉള്ളത്.
