രഞ്ജി ട്രോഫിയിൽ മികച്ച പ്രകടനം പുറത്തെടുത്തിട്ടും ഇന്ത്യൻ ടീമിൽ അവസരം ലഭിക്കാതിരുന്നപ്പോൾ മുൻ ഇന്ത്യൻ താരം രാഹുൽ ദ്രാവിഡിന്റെ വാക്കുകളാണ് തുണയായതെന്ന് ഇന്ത്യൻ ടെസ്റ്റ് ടീം ഓപ്പണർ മായങ്ക് അഗർവാൾ. “രഞ്ജി ട്രോഫിയിലും ഇന്ത്യ എക്ക് വേണ്ടിയും താരം ഒരുപാട് റൺസ് നേടിയിരുന്നു. ആ സമയത്ത് രാഹുൽ ദ്രാവിഡിയുമായി സംസാരിച്ചു. ഇത്ര റൺസ് നേടിയിട്ടും താൻ എന്ത് കൊണ്ട് ഇന്ത്യൻ ടീമിൽ എത്തുന്നില്ലെന്ന് അന്ന് ഞാൻ രാഹുൽ ദ്രാവിഡിനോട് ചോദിച്ചു” മായങ്ക് അഗർവാൾ പറഞ്ഞു.
എന്നാൽ ഇന്ത്യൻ ടീമിൽ സെലക്ഷൻ ലഭിക്കുന്നതിന് നിന്റെ കയ്യിലുള്ള കാര്യമല്ലെന്നും നീ ഒരുപാട് കഠിനാധ്വാനം ചെയ്തത് കൊണ്ടാണ് ഇവിടെ എത്തിയതെന്നും തന്നോട് രാഹുൽ ദ്രാവിഡ് പറഞ്ഞുവെന്ന് അഗർവാൾ വെളിപ്പെടുത്തി. ടീമിൽ നിന്ന് വീണ്ടും പുറത്താവുമോ എന്ന ഭയത്തോടെ താൻ ജീവിക്കാൻ ആഗ്രഹിച്ചിരുന്നില്ലെന്നും മായങ്ക് അഗർവാൾ പറഞ്ഞു. ഇന്ത്യൻ ടീമിൽ അവസരം ലഭിക്കാതിരുന്ന സമയത്ത് രാഹുൽ ദ്രാവിഡിന്റെ വാക്കുകളാണ് തനിക്ക് പ്രചോദനമായതെന്നും മായങ്ക് അഗർവാൾ പറഞ്ഞു.
തുടർന്ന് ഓസ്‌ട്രേലിയക്കെതിരായ പരമ്പരയിൽ തനിക്ക് അവസരം ലഭിച്ചപ്പോൾ താൻ രാഹുൽ ദ്രാവിഡിനെ വിളിച്ച് അത് അറിയിച്ചുവെന്നും അഗർവാൾ പറഞ്ഞു. 2018ൽ ഓസ്‌ട്രേലിയക്കെതിരായ പാരമ്പരയിലാണ് മായങ്ക് അഗർവാൾ ഇന്ത്യക്ക് വേണ്ടി ടെസ്റ്റിൽ അരങ്ങേറ്റം നടത്തിയത്.
