തനിക്ക് ലഭിയ്ക്കുന്ന വിക്കറ്റുകളിൽ ഏറ്റവും സന്തോഷം വിക്കറ്റ് കീപ്പറോ സ്ലിപ് ഫീൽഡര്മാരോ പിടിച്ച് ലഭിയ്ക്കുന്നവയാണെന്ന് പറഞ്ഞ് പ്രസിദ്ധ് കൃഷ്ണ. ഇന്ത്യ വെസ്റ്റിന്ഡീസ് ഏകദിന പരമ്പരയിലെ പരമ്പരയിലെ താരമായി തിരഞ്ഞെടുക്കപ്പെട്ട ശേഷം സംസാരിക്കുമ്പോളാണ് താരം ഇത് പറഞ്ഞത്.
ഏതോരു ഫാസ്റ്റ് ബൗളറും ആഗ്രഹിക്കുന്ന കാഴ്ചയാണ് പന്ത് കീപ്പറുടെ കൈവശത്തേക്ക് പറന്നെത്തുന്നതെന്നും അഹമ്മദാബാദിലെ പിച്ചിൽ പേസര്മാര്ക്ക് മികച്ച അവസരമുണ്ടായിരുന്നുവെന്നും അദ്ദേഹം പറഞ്ഞു.
താന് ഏറെകാലമായി പരിശീലനം നടത്തുകയായിരുന്നുവെന്നും വിജയ് ഹസാരെ ട്രോഫിയിലും താന് ഏതാനും മത്സരങ്ങളില് കളിച്ചതും ഗുണം ചെയ്തുവെന്ന് പ്രസിദ്ധ് കൃഷ്ണ സൂചിപ്പിച്ചു.
