ഇംഗ്ലണ്ടിനെതിരെ നേടിയ വിജയം ഏറെ മഹത്തരമെന്ന് പറഞ്ഞ് വിന്ഡീസ കോച്ച് ഫില് സിമ്മണ്സ്. കഴിഞ്ഞ് നാല് മുതല് അഞ്ച് ആഴ്ച താരങ്ങള് നടത്തിയ പരിശ്രമത്തിന്റെ ഫലമാണ് ഈ വിജയമെന്ന് സിമ്മണ്സ് വ്യക്തമാക്കി. ഇംഗ്ലണ്ടിലേക്ക് എത്തി മികച്ച നിലവാരമുള്ള ടെസ്റ്റ് മത്സരം ആണ് തന്റെ താരങ്ങള് നേടിയതെന്നും ഇരു ടീമുകളും മികച്ച പ്രകടനമാണ് കാഴ്ച വെച്ചതെന്നും സിമ്മണ്സ് വ്യക്തമാക്കി.
അവസാന മണിക്കൂറിലേക്ക് മത്സരം കടന്നപ്പോളും വിജയം ആര്ക്ക് വേണമങ്കിലും പിടിയിലൊതുക്കാവുന്ന തരത്തിലായിരുന്നുവെന്നും ഫില് സിമ്മണ്സ് അഭിപ്രായപ്പെട്ടു. ആ നിലയില് നിന്ന് വിജയം പിടിച്ചെടുത്തത് വിന്ഡീസിന്റെ ആത്മവിശ്വാസത്തെ ഉയര്ത്തുമെന്നും അടുത്ത മത്സരത്തിലും സമാനമായ പ്രകടനം പുറത്തെടുക്കാനാകുമെന്നുമാണ് കരുതുന്നതെന്ന് ഫില് സിമ്മണ്സ് അഭിപ്രായപ്പെട്ടു.
