ഓസ്ട്രേലിയൻ ക്രിക്കറ്റ് ക്യാപ്റ്റൻ പാറ്റ് കമ്മിൻസിന് 2025-ൻ്റെ തുടക്കത്തിൽ ശ്രീലങ്കയിൽ നടക്കാനിരിക്കുന്ന രണ്ട് ടെസ്റ്റുകളുടെ പരമ്പര നഷ്ടമായേക്കാം. അദ്ദേഹവും ഭാര്യയും അവരുടെ രണ്ടാമത്തെ കുഞ്ഞിൻ്റെ ജനനത്തിനായി കാത്തിരിക്കുകയാണ് ഇതിനാൽ താരം ഒരു ഇടവേള എടുക്കും എന്നാണ് റിപ്പോർട്ടുകൾ. ലോക ടെസ്റ്റ് ചാമ്പ്യൻഷിപ്പ് (WTC) സൈക്കിളിൽ ഓസ്ട്രേലിയൻ ടീമിന് നിർണായക പരമ്പരയാണിത്.
ജനുവരി 29 മുതൽ ഫെബ്രുവരി 10 വരെ ഗോളിൽ നടക്കാനിരിക്കുന്ന ടെസ്റ്റ് പരമ്പര, ഡബ്ല്യുടിസി ഫൈനലിന് മുമ്പുള്ള ഓസ്ട്രേലിയയുടെ അവസാന പരമ്പരയായിരിക്കും. കമ്മിൻസിൻ്റെ അഭാവം ഓസ്ട്രേലിയയുടെ ടീമിനെ സ്വാധീനിച്ചേക്കാം.
കുടുംബ പ്രതിബദ്ധതകളുടെ പ്രാധാന്യം ഊന്നിപ്പറഞ്ഞുകൊണ്ട് കമ്മിൻസിൻ്റെ തീരുമാനത്തെ തങ്ങൾ മാനിക്കുമെന്ന് ഓസ്ട്രേലിയയുടെ മുഖ്യ പരിശീലകൻ ആൻഡ്രൂ മക്ഡൊണാൾഡ് പറഞ്ഞു. “കൂടുതൽ പ്രധാന്യം ഉള്ള ഒന്നിനായി ടെസ്റ്റ് നഷ്ടപ്പെടുത്താൻ അവൻ ആഗ്രഹിക്കുന്നുവെങ്കിൽ, അത് ഞങ്ങൾക്ക് നല്ലതാണ്,” മക്ഡൊണാൾഡ് പറഞ്ഞു.
